Transcription
1
Monsieur, j’ay repceu la lettre qu’il vous a pleu
2
m’escripre, vous mercyant bien humblement la
3
souvenance qu’avez heue de moy. J’avoys oppinion,
4
veu que monsieur le prince dauphin avoyt mandé
5
de l’attendre pour les estatz, qu’il ne fauldroyt
6
à s’y trouver. Mais, par la votre, j’ay veu le contraire.
7
Je donne ordre, tant qu’il m’est possible, à me
8
préparer pour aller trouver bien tost monsieur
9
le mareschal Dampville, suivant ce qu’il m’a mandé,
10
et me hasteray le plus que je pourray pour estre
11
prest à vous faire compaignie quant il vous
12
plairra descendre là-bas, qui m’excusera de me
13
trouver pour ceste fois aux estaz ; et cependant,
14
je m’en veoys saluer voz bonnes grâces par mes
15
plus humbles recomandations, supplyant Dieu,
16
monsieur, vous avoyr en sa saincte garde,
17
accompaignée d’heureuse et longue vye. A
18
Serre, ce premier décembre 1572
19
Votre plus affectioné serviteur
20
Bressieu
21
Mon frère de Pomet vous présente ses très humbles
22
recommandations et pour ce que j’espère vous veoyr
23
bien tost, je ne vous diray pour ceste heure l’espérance
24
que j’ay de la venue de monsieur et madame du Bochage.